എണ്ണ വ്യവസായം കോടതിയില്‍ പറയുന്നു CO2 നെക്കുറിച്ച് അറിയില്ല എന്ന്

കാലാവസ്ഥാമാറ്റ കേസില്‍ കാര്‍ബണ്‍ ഡൈ ഓക്സൈഡിന്റെ അന്തരീക്ഷത്തിലെ അളവ് എത്രയെന്ന് തനിക്കറിയില്ലെന്ന് അമേരിക്കയിലെ എണ്ണ പ്രകൃതിവാതക കമ്പനികളുടെ വക്കീല്‍ കോടതിയുടെ ചോദ്യത്തിന് മറുപടിയായി പറഞ്ഞു. ഫെബ്രുവരി 7 ന് Juliana, et al v. United States of America et al എന്ന ഈ കേസില്‍ CO2ന്റെ അന്തരീക്ഷത്തിലെ സാന്ദ്രത 400 parts per million എന്ന അളവില്‍ കൂടുതലായിരിക്കുകയാണെന്ന കാര്യം Frank Volpe ക്ക് അറിയില്ല എന്നാണ് പറഞ്ഞത്.

Volpe പ്രതിനിധാനം ചെയ്യുന്ന സംഘം, “അന്തരീക്ഷത്തിലെ CO2ന്റെ ഇപ്പോഴത്തെ സാന്ദ്രത 400ppm ആണെന്ന കാര്യം അംഗീകരിക്കുന്നുവോ” എന്ന് ജഡ്ജി Thomas Coffin ചോദിച്ചു. Volpe അതിനുത്തരം പറഞ്ഞില്ല. “നിങ്ങളത് വിസമ്മതിക്കുകയാണോ അതോ നിങ്ങള്‍ക്ക് അറിയില്ലന്നാണോ?” ജഡ്ജി വീണ്ടും ചോദിച്ചു. “ഞങ്ങള്‍ക്കറിയില്ല,” എന്ന് Volpe പറഞ്ഞു.

American Petroleum Institute, American Fuel & Petrochemical Manufacturers and National Association of Manufacturers എന്നിവരേയാണ് Volpe പ്രതിനിധാനം ചെയ്യുന്നത്.

— സ്രോതസ്സ് scientificamerican.com

നാം വീടുപണിയുമ്പോള്‍ അതിന്റെ പ്ലാന്‍ അഴുക്ക് വെള്ളവും, മഴവെള്ളവും ഒക്കെ അടുത്ത പറമ്പിലേക്ക് വീഴില്ലെന്ന് ഉറപ്പ് വരുത്തണം. നമ്മള്‍ ഒരു സ്ഥാപനം തുടങ്ങുമ്പോഴും അത്തരം ധാരാളം നിയമങ്ങള്‍ പാലിക്കാനുണ്ട്. എന്നാല്‍ കോര്‍പ്പറേറ്റുകള്‍ക്ക് അത് ബാധമല്ല. എന്തുകൊണ്ട്? അതില്‍ നിങ്ങളുടെ വ്യവസായം എന്തെങ്കിലും കലര്‍ത്തുന്നുവെങ്കില്‍ അത് ശുദ്ധിയാക്കേണ്ടത് നിങ്ങളുടെ ഉത്തരവാദിത്തമാണ്. വായൂ ഭൂമിയിലെ എല്ലാവര്‍ക്കും അവകാശപ്പെട്ടതാണ്.

2016ലെ ആയുധക്കച്ചിലവില്‍ അമേരിക്ക $62200 കോടി ഡോളറുമായി ഒന്നാം സ്ഥാനത്ത്

ആഗോള ആയുധച്ചിലവ് US$1.57 ട്രില്യണ്‍ ആയി. അതിന്റെ 40% വും ചിലവാക്കിയിരിക്കുന്നത് അമേരിക്കയാണ്. രണ്ടാം സ്ഥാനത്ത് വെറും US$19200 കോടി ഡോളര്‍ ചിലവാക്കിക്കൊണ്ട് ചൈന നില്‍ക്കുന്നു. മൂന്നാം സ്ഥാനത്ത് ബ്രിട്ടണ്‍, US$5380 കോടി ഡോളര്‍. 2016 Janeന്റെ Defence Budgets Report ല്‍ ആണ് സാമ്പത്തിക കമ്പനിയായ IHS Markit ഈ വിവരം പ്രസിദ്ധപ്പെടുത്തിയത്.

ഇന്‍ഡ്യ ആദ്യമായി ആയുധച്ചിലവില്‍ ഏറ്റവും മുകളിലുള്ള രാജ്യങ്ങളുടെ കൂട്ടല്‍ കയറി. US$5070 കോടി ഡോളര്‍ ആണ് ഇന്‍ഡ്യ ചിലവാക്കിയത്. കഴിഞ്ഞ വര്‍ഷത്തെ അപേക്ഷിച്ച് 9% വര്‍ദ്ധനവ്. US$4870 കോടി ഡോളര്‍ ചിലവാക്കിയ സൌദിയറേബ്യയേയും US$4440 കോടി ഡോളര്‍ ചിലവാക്കിയ റഷ്യയേയും ഇന്‍ഡ്യ മറികടന്നു.

— സ്രോതസ്സ് telesurtv.net

വിശ്വസിക്കാന്‍ പറ്റാത്തത് ഇതാ സ്പെയിനില്‍ സംഭവച്ചു

സ്പെയിനിലെ ചത്ത ബാങ്ക് Bankia യുടെ IPO യെക്കുറിച്ച് പല വര്‍ഷങ്ങളായി നടന്നുകൊണ്ടിരിക്കുന്ന ക്രിമിനല്‍ അന്വേഷണത്തിന്റെ ഫലമായി സ്പെയിനിലെ ദേശീയ കോടതി Bank of Spain ന്റെ ഇപ്പോഴത്തേയും മുമ്പത്തേയുമായ ആറ് ഡയറക്റ്റര്‍മാരേയും മുമ്പത്തെ ഗവര്‍ണര്‍ ആയ Miguel Ángel Fernández Ordóñez യേയും മുമ്പത്തെ ഡപ്യൂട്ടി ഗവര്‍ണര്‍ Fernando Restoy യേയും testify നല്‍കാന്‍ വിളിപ്പിച്ചു. സ്പെയിനിലെ സാമ്പത്തിക കമ്പോള നിയന്ത്രണ ഏജന്‍സിയായ CNMV ന്റെ മുമ്പത്തെ പ്രസിഡന്റ് Julio Segura നേയും ചോദ്യം ചെയ്യാന്‍ വിളിപ്പിച്ചിട്ടുണ്ട്.

testify ചെയ്യാനാണ് വിളിപ്പിച്ചിരിക്കുന്നതെങ്കിലും മുമ്പത്തെ ഏഴ് പൊതുജന “സേവകര്‍”ക്കെതിരായ തെളിവുകള്‍ ശക്തമാണ്. അവര്‍ക്കെതിരെ Testify ചെയ്യുന്നത് Banco de España യുടെ സ്വന്തം ഇന്‍സ്പെക്റ്റര്‍മാരാണ്. അവര്‍ കഴിഞ്ഞ രണ്ട് വര്‍ഷമായി Bankiaയുടെ തകര്‍ച്ചയെക്കുറിച്ച് അന്വേഷിക്കുന്നു.

— സ്രോതസ്സ് wolfstreet.com

സിറിയയില്‍ യുറേനിയം ആയുധങ്ങള്‍ ഉപയോഗിച്ചതായി പെന്റഗണ്‍ സമ്മതിച്ചു

വിഷമായ ആണവവികിരണ ശേഷിയുള്ള ആയുധങ്ങള്‍ യുദ്ധത്തിന് ഉപയോഗിക്കരുത് എന്ന നിയമമുണ്ടായിട്ടു കൂടി അമേരിക്കയുടെ യുദ്ധവിമാനങ്ങള്‍ depleted യുറേനിയം ആയുധങ്ങള്‍ സിറിയയില്‍ ഉപയോഗിച്ചതായി പെന്റഗണ്‍ സമ്മതിച്ചു. ISIS നിയന്ത്രണത്തിലുള്ള കിഴക്കന്‍ സിറിയയില്‍ 2015 നവംബറില്‍ നടന്ന ആക്രമണത്തില്‍ Air Force A-10 ആക്രമണ വിമാനങ്ങള്‍ 5,000 ല്‍ അധികം 30mm യുറേനിയം റൌണ്ട് വെടിവെച്ചു എന്ന് കഴിഞ്ഞ ആഴ്ച Foreign Policy മാസിക റിപ്പോര്‍ട്ട് ചെയ്തു. Depleted uranium എന്നത് ഒരേ സമയം വിഷമുള്ളതും ഒപ്പം വളരേറെ ആണവവികിരണ ശേഷിയുള്ളതുമാണ്. അത് ക്യാന്‍സറിനും ജന്മവൈകല്യങ്ങള്‍ക്കും കാരണമാകുന്നു.

— സ്രോതസ്സ് democracynow.org

ദാരിദ്ര്യം ഇല്ലാതാക്കാന്‍ സഹായത്തിനതീതമായി വേറെ ചിലതുകൂടി വേണം

സഹായത്തിന് അതീതമായി നികുതി, സുതാര്യത, സമ്പദ്‌വ്യവസ്ഥയോടുള്ള സമഗ്ര കാഴ്ചപ്പാട് തുടങ്ങിയ കാര്യങ്ങളിലേക്ക് ശ്രദ്ധ ചെലുത്തുമെന്നതിനെ സ്വാഗതം ചെയ്യുന്നു എന്ന് Department for International Development ന്റെ പുതിയ നയത്തെക്കുറിച്ച് അഭിപ്രായം പറയവേ Christian Aid പറഞ്ഞു. മറ്റ് സര്‍ക്കാരുകളോടും സുസ്ഥിരമായ വികസനത്തിന് വേണ്ടി ഒന്നിച്ച് പ്രവര്‍ത്തിക്കാനും അവര്‍ ആവശ്യപ്പെട്ടു.

“നികുതി സ്വര്‍ഗ്ഗങ്ങളുപയോഗിച്ച് ശതകോടിക്കണക്കിന് പണം വലിച്ചെടുക്കുന്ന ബഹുരാഷ്ട്ര കമ്പനികളേയും അഴിമതിക്കാരായ ഉന്നതരേയും എല്ലാ ശക്തിയുമുപയോഗിച്ച് ബ്രിട്ടീഷ് സര്‍ക്കാര്‍ തടഞ്ഞില്ലെങ്കില്‍ ഒരു മാറ്റവും സംഭവിക്കാന്‍ പോകുന്നില്ല. ദരിദ്ര രാജ്യങ്ങളെ സാമ്പത്തികമായി ഉയര്‍ത്താന്‍ ബ്രിട്ടണ്‍ ശരിക്കും അന്തര്‍ദേശീയ നികുതി സംവിധാനത്തിന്റെ ചോര്‍ച്ച അടക്കുകയാണ് വേണ്ടത്” എന്ന് സംഘടനയുടെ Economic Developmentന്റെ തലവനായ Toby Quantrill പറഞ്ഞു.

— സ്രോതസ്സ് christianaid.org.uk

2016ല്‍ അമേരിക്കയില്‍ സൌരോര്‍ജ്ജോത്പാദനം 95% വര്‍ദ്ധിച്ചു

അമേരിക്കയിലെ സൌരോര്‍ജ്ജ കമ്പോളം 2016ല്‍ ഏറ്റവും വലുതായി 95% വളര്‍ച്ച രേഖപ്പെടുത്തി. 14.5 ഗിഗാവാട്ട് നിലയങ്ങളാണ് പുതിയതായി സ്ഥാപിച്ചത്.

GTM Research ഉം Solar Energy Industries Association (SEIA)ഉം കൂടി പ്രസിദ്ധീകരിച്ച US Solar Market Insight റിപ്പോര്‍ട്ടിലാണ് ഈ വിവരം എഴുതിയിരിക്കുന്നത്. 2015 ഉം റിക്കോഡ് തകര്‍ത്ത വര്‍ഷമായിരുന്നു. അന്ന് പുതിയതായി 7.5 ഗിഗാവാട്ട് നിലയങ്ങള്‍ സ്ഥാപിച്ചിരുന്നു. എന്നാല്‍ 2016 ല്‍ ഏകദേശം അതിന്റെ ഇരട്ടി നിലയങ്ങള്‍ സ്ഥാപിക്കപ്പെട്ടു. 14,625 മെഗാവാട്ട് ശേഷിവരുന്ന നിലയങ്ങള്‍ സ്ഥാപിച്ച് സൌരോര്‍ജ്ജം കഴിഞ്ഞ വര്‍ഷം മൊത്തം സ്ഥാപിക്കപ്പെട്ട വൈദ്യുത നിലയങ്ങളില്‍ ഒന്നാം സ്ഥാനത്തെത്തിയിരിക്കുകയാണ്. സ്ഥാപിക്കപ്പെട്ട പുതിയ നിലയങ്ങളില്‍ 39% വും സൌരോര്‍ജ്ജ നിലയങ്ങളായിരുന്നു.

— സ്രോതസ്സ് cleantechnica.com