ബാങ്കിനെക്കുറിച്ചുള്ള ഏറ്റവും വലിയ തട്ടിപ്പ്

സമ്പദ്‌വ്യവസ്ഥയുടെ ജീവനാഡിയാണ് ബാങ്കുകള്‍. അവ നമ്മുടെ ആവശ്യകതക്ക് അനുസരിച്ച് കൃത്യമായ അളവില്‍ കൃത്യമായ സമയത്ത് പണത്തെ കൃത്യമായ സ്ഥലത്ത് എത്തിക്കുന്നു. അതിന് എന്തെങ്കിലും തടസമുണ്ടാകുകയാണെങ്കില്‍ വലിയ ഒച്ചപ്പാടുകള്‍ക്ക് കാരണമാകുകയും ചെയ്യുന്നു.

നിങ്ങള്‍ക്ക് ജോലി ചെയ്തതിന്റെ കൂലിയായി കിട്ടിയ പണം നിങ്ങള്‍ ചിലവാക്കുന്നു. അതില്‍ ബാക്കി എന്തെങ്കിലും വരുന്നുണ്ടെങ്കില്‍ നിങ്ങള്‍ അത് ബാങ്കില്‍ നിക്ഷേപിക്കും. അങ്ങനെ അനേകമാളുകള്‍ നിക്ഷേപം നടത്തുമ്പോള്‍ ബാങ്കുകള്‍ക്ക് ധാരാളം നിക്ഷേപമുണ്ടാകുകയും അത് പണത്തിന്റെ ആവശ്യമുള്ളവര്‍ക്ക് അവര്‍ വായ്പയായി കൊടുക്കുകയും ചെയ്യുന്നു എന്നാണ് നമ്മുടെ ധാരണ.

ഏന്നാല്‍ ബാങ്കുകളെക്കുറിച്ചുള്ള ഏറ്റവും വലിയ തട്ടിപ്പാണിത്. ബാങ്ക് ഒരിക്കലും നിങ്ങള്‍ നടത്തിയ നിക്ഷേപത്തിന്റെ പുറത്തല്ല വായ്പ കൊടുക്കുന്നത്. 2008 ലെ സാമ്പത്തിക തകര്‍ച്ച നടക്കുന്ന സമയത്ത് ബ്രിട്ടണിലെ ബാങ്കുകള്‍ 1.25 പൌണ്ടിന് 100 പൌണ്ട് എന്ന തോതിലായിരുന്നു വായ്പ കൊടുത്തിരുന്നത്. അതായത് ബാങ്കിന്റെ കൈവശം ഒരു രൂപ കിട്ടിയാല്‍ നൂറ് പേര്‍ക്ക് അവര്‍ ഒരു രൂപ വീതം വെച്ച് കൊടുത്തു എന്ന് അര്‍ത്ഥം. ഈ തോത് സ്ഥിരമായ ഒന്നല്ല. സാമ്പത്തിക തകര്‍ച്ച ഒരു വര്‍ഷം കഴിഞ്ഞാണ് നടന്നിരുന്നതെങ്കില്‍ അത് ചിലപ്പോള്‍ 200 ഓ 300 ഓ ഒക്കെയായി വര്‍ദ്ധിച്ചേനേ.

ചുരുക്കത്തില്‍ പറഞ്ഞാല്‍ നമ്മള്‍ നിക്ഷേപിക്കുന്ന പണത്തിന്റെ അടിസ്ഥാനത്തിലല്ല ബാങ്ക് വായ്പ കൊടുക്കുന്നത്.

സ്വര്‍ണ്ണം വെള്ളി പോലുള്ള ലോഹങ്ങള്‍ കണ്ടെത്തിയതിന് ശേഷം ആളുകള്‍ അവയാണ് ക്രയവിക്രയത്തിന്റെ അടിസ്ഥാനമായി ഉപയോഗിച്ചത്. വീട്ടില്‍ സ്വര്‍ണ്ണം സൂക്ഷിക്കുന്നത് സുരക്ഷിതമല്ലാത്തതിനാല്‍ ബാങ്കുകളില്‍ അത് സൂക്ഷിച്ചു. പിന്നീട് ബാങ്കുകളില്‍ നിക്ഷേപിച്ചിരുന്ന സ്വര്‍ണ്ണത്തിന്റെ രസീതുകള്‍ ആളുകള്‍ കൈമാറ്റത്തിനായി ഉപയോഗിച്ചു. നോട്ടുകള്‍ അങ്ങനെയുണ്ടായി. അത്യാര്‍ത്തിക്കാരായ ബാങ്കുകാര്‍ തങ്ങളുടെ കൈവശമുള്ള സ്വര്‍ണ്ണത്തിധികം നോട്ടുകള്‍ അച്ചടിച്ചത് വലിയ സാമ്പത്തിക പ്രതിസന്ധിക്ക് കാരണമാകുകയും 1844 ല്‍ ബ്രിട്ടണിലെ സര്‍ക്കാര്‍ Bank charter act കൊണ്ടുവരുകയും, ബാങ്കുകള്‍ നോട്ട് അടിക്കുന്നത് നിരോധിക്കുകയും ആ ജോലി സര്‍ക്കാര്‍ തന്നെ ഏറ്റെടുക്കുയും ചെയ്തു. അങ്ങനെ അടിക്കുന്ന നോട്ടിന് ഒരു പരിധി സ്വര്‍ണ്ണം നിര്‍ണ്ണയിച്ചു.

പിന്നീട് 1971 ല്‍ അമേരിക്കന്‍ പ്രസിഡന്റായിരുന്ന നിക്സണ്‍ നോട്ടിന്റെ സ്വര്‍ണ്ണവുമായുള്ള ബന്ധം ഇല്ലാതാക്കി. അതോടെ ലോകം മൊത്തം കറന്‍സികള്‍ക്ക് സ്വര്‍ണ്ണ അടിത്തറ ഇല്ലാതെയായി. സര്‍ക്കാരിന് എത്ര വേണമെങ്കിലും അടിച്ചിറക്കാമെന്ന അവസ്ഥയായി. പക്ഷേ മിക്ക സര്‍ക്കാരുകള്‍ ദേശീയ താല്‍പ്പര്യം മുന്‍നിര്‍ത്തി പ്രവര്‍ത്തിക്കുന്നതാകെയാല്‍ അവര്‍ സമ്പദ്‌ഘടനയുടെ സ്ഥിരതയും ആവശ്യവും അനുസരിച്ച് മാത്രമാണ് അത് ചെയ്തിരുന്നത്. ഉദാഹരണത്തിന് സാമ്പത്തിക വളര്‍ച്ചയുള്ള കാലത്ത് കുറവ് നോട്ടും, മാന്ദ്യ കാലത്ത് കൂടുതല്‍ നോട്ടും ആണ് സ്ഥിരക്ക് ആവശ്യം. അല്ലെങ്കില്‍ കുമിളകളുണ്ടായി പൊട്ടുകയോ പണമില്ലാതായി സമ്പദ്‌ഘടന നിശ്ഛലമാകുകയോ ചെയ്യും (മോഡി ഇപ്പോള്‍ ചെയ്യുന്നത് സമ്പദ്‌ഘടനയെ നിശ്ഛലമാക്കുന്ന പ്രവര്‍ത്തിയാണ്). അങ്ങനെയല്ലാതെ താല്‍ക്കാലിക രക്ഷക്കായി ഇതിന് വ്യത്യാസമായി ചെയ്യുന്ന സര്‍ക്കാര്‍ വലിയ ദുരന്തമുണ്ടാക്കുകയും ചെയ്യും.

ബാങ്ക് മുതലാളിമാര്‍ വെറുതെ കൈയ്യും കെട്ടിയിരിക്കുകയായിരുന്നില്ല. സ്വകാര്യവല്‍ക്കരണവും നവലിബറല്‍ നയങ്ങളുമെല്ലാം ബാങ്കുകള്‍ക്ക് വീണ്ടും ഉണര്‍വ്വ് കൊടുത്തു. മുമ്പ് പറഞ്ഞത് പോലെ ഒരു രൂപ കിട്ടിയാല്‍ നൂറുപേര്‍ക്ക് ഒരു രൂപാ വീതം കൊടുക്കുന്ന രീതിയൊക്കെ കൊണ്ടുവന്നു. ക്ഷേമ രാഷ്ടം എന്ന ആശയത്തെ കാറ്റില്‍ പറത്തിക്കൊണ്ട് ബാങ്കുകള്‍ പിന്നെയും രാജാക്കന്‍മാരായി. അവരുടെ വീഴ്ചകള്‍ക്ക് നികുതിദായകര്‍ ട്രില്യണ്‍ കണക്കിന് ഡോളര്‍ കൊടുത്ത് അവരെ രക്ഷപെടുത്തിക്കൊണ്ടിരിക്കുന്നു.

ചരിത്രം ആവര്‍ത്തിക്കം. ആദ്യം ഒരു ദുരന്തമായും പിന്നീട് ഒരു പ്രഹസനമായും. ആ പ്രഹസനത്തിന് തയ്യാറെടുക്കുന്ന ഊളകളാണ് നമ്മള്‍

ഓടോ: നമ്മള്‍ നടത്തുന്ന നിക്ഷേപത്തില്‍ നിന്നാണ് ബാങ്ക് വായ്പ കൊടുക്കുന്നതെന്ന് ആരെങ്കിലും പറഞ്ഞാല്‍ അത് വിശ്വസിക്കരുതേ…

ഒരു മറുപടി കൊടുക്കുക

Fill in your details below or click an icon to log in:

WordPress.com Logo

You are commenting using your WordPress.com account. Log Out / മാറ്റുക )

Twitter picture

You are commenting using your Twitter account. Log Out / മാറ്റുക )

Facebook photo

You are commenting using your Facebook account. Log Out / മാറ്റുക )

Google+ photo

You are commenting using your Google+ account. Log Out / മാറ്റുക )