സമൂഹത്തെ സൃഷ്ടിച്ചത് എന്തിനാണ്?

സാധാരണ നാം ചോദിക്കാത്ത ഒരു ചോദ്യമാണ് അത്, അല്ലേ? നമ്മേ സംബന്ധിച്ചടത്തോളം സമൂഹം എന്നുമുണ്ടായിരുന്നു. എന്നാല്‍ ജീവന് ഒരു തുടക്കമുണ്ടെങ്കില്‍ സമൂഹത്തിനും ഒരു തുടക്കമുണ്ടാകണം. എന്നാണ് അതുണ്ടായത്? ആരാണത് ചെയ്തത്?

ജീവി വര്‍ഗ്ഗങ്ങളില്‍ ഏറ്റവും ദുര്‍ബലമായ ഒരു ജീവിയാണ് മനുഷ്യന്‍. മാനിനേ പോലെ ഓടാനോ കടുവയേ പോലെ ഇരപിടിക്കാനോ, കുരങ്ങിനെ പോലെ മരം കയറാനോ ഒന്നും മനുഷ്യന് കഴിവില്ല. സത്യത്തില്‍ പ്രകൃതി നിര്‍ദ്ധാരണത്താല്‍ ഉന്‍മൂലനം ചെയ്യപ്പെടേണ്ട ഒരു ജീവിയായിരുന്നു മനുഷ്യന്‍. എങ്ങനയോ ആ ജീവി രക്ഷപെട്ടു.

അതുപോലെ മനുഷ്യ കുഞ്ഞ് പൂര്‍ണ്ണ വളര്‍ച്ച എത്താതെയാണ് ജനിക്കുന്നത്. അതിന് സ്വന്തം കാര്യം നോക്കുന്ന അവസ്ഥയിലെത്തണമെങ്കില്‍ കുറഞ്ഞത് 4-5 വര്‍ഷം വേണം. അതായത് ഇത്രയും കാലം അതിനെ ആരെങ്കിലും സംരക്ഷിച്ചേ മതിയാകൂ.

ഈ രണ്ട് പ്രശ്നങ്ങളും മനുഷ്യന്‍ എങ്ങനെയാണ് തരണം ചെയ്തത്? അതിന്റെ ഉത്തരമാണ് സമൂഹം. നമ്മള്‍ തന്നെ സൃഷ്ടിച്ച് നമ്മള്‍ തന്നെ നിയമനിര്‍മ്മാണം നടത്തി പിന്‍തുടര്‍ന്നു പോരുന്ന ഒന്നാണ് നമ്മുടെ സമൂഹം.

ആഹാരം കണ്ടെത്തണം. അതിനായി മനുഷ്യര്‍ കൂട്ടമായി കായ് കനികള്‍ തേടുകയോ വേട്ടയാടുകയോ ചെയ്തു. കിട്ടിയ ആഹാരം അവര്‍ പങ്കുവെച്ച് കഴിച്ചിരിക്കാം. അതുപോലെ കുട്ടികളെ നോക്കാനും അവര്‍ ഒത്തുകൂടിയിട്ടുണ്ടാവണം. അതാണ് ആദ്യത്തെ സമൂഹം. അതിന്റെ തുടക്കത്തില്‍ മാനുഷരെല്ലാരും ഒന്നുപോലെ എന്ന അവസ്ഥയായിരുന്നു ഉണ്ടായിരുന്നത്.

എന്തുകൊണ്ട് അത് രൂപീകൃതമായി. തീര്‍ച്ചയായും ആഹാരം എന്ന ഉല്‍പ്പന്നം നേടാനും, കുട്ടികളേയും അതുപോലെ മുറിവേറ്റവരേയും രോഗികളേയും സംരക്ഷിക്കുക എന്ന സേവനം ലഭിക്കാനും വേണ്ടിയാണ് അത് രൂപീകൃതമായത്. അല്ലാതെ വേറൊന്നിനുമല്ല. ഇനി നാം വ്യക്തികള്‍ക്ക് തനിയെ ആഹാരം കണ്ടെത്താനും നമ്മുടെ അടുത്ത തലമുറ തനിയെ തന്നെ വളരാന്‍ കരുത്തുള്ളവരുമായിരുന്നെങ്കില്‍ മനുഷ്യന്‍ ഒരിക്കലും സമൂഹത്തെ സൃഷ്ടിക്കില്ലായിരിക്കാം.

ലക്ഷക്കണക്കിന് വര്‍ഷങ്ങള്‍ നാം ആ അവസ്ഥയില്‍ കഴിഞ്ഞു. എന്നാല്‍ പതിനായിരം വര്‍ഷങ്ങള്‍ക്ക് മുമ്പ് വലിയ ഒരു മാറ്റം സംഭവിക്കുകയും നമ്മുടെ ചെറു ലളിതം സമൂഹം വലിയ പരിവര്‍ത്തനങ്ങളിലൂടെ കടന്ന് പോയി വളരെ സങ്കീര്‍ണ്ണമായ അവസ്ഥയിലെത്തിച്ചേര്‍ന്നു.

പക്ഷേ അപ്പോഴും സമൂഹത്തിന്റെ അടിസ്ഥാന ആവശ്യം, പണ്ടത്തേതു പോലെ ഉല്‍പ്പന്നങ്ങളും സേവനങ്ങളും നേടുകയും നിലനില്‍ക്കുകയും ചെയ്യുക എന്നതാണ്.

തുടരും …
____
എഴുതിയത്: ജഗദീശ്.എസ്സ്.

ഒരു മറുപടി കൊടുക്കുക

Fill in your details below or click an icon to log in:

WordPress.com Logo

You are commenting using your WordPress.com account. Log Out / മാറ്റുക )

Twitter picture

You are commenting using your Twitter account. Log Out / മാറ്റുക )

Facebook photo

You are commenting using your Facebook account. Log Out / മാറ്റുക )

Google+ photo

You are commenting using your Google+ account. Log Out / മാറ്റുക )