അമേരിക്കന്‍ ചരിത്രത്തില്‍ എല്ലാ കമ്പലികളേക്കാളും എറ്റവുമധികം quarterly ലാഭം Exxon Mobil നേടി. അവരുടെ തന്നെ പഴയ റിക്കോഡിനെ മറികടന്ന് രണ്ടാം quarter ല്‍ $1168 കോടി ഡോളര്‍ ലാഭമാണ് അവര്‍ ഉണ്ടാക്കിയത്. 40% ആണ് കമ്പനിയുടെ ആദായം വര്‍ദ്ധിച്ച് $13807 കോടി ആയി. അവര്‍ ഒരു രാജ്യമായിരുന്നെങ്കില്‍ ലോകത്തെ 18 -ാമത്തെ വലിയ സമ്പദ് വ്യവസ്ഥയായിരിക്കും. Exxon Mobil ന്റെ എണ്ണയും പ്രകൃതിവാതക ഉത്പാദനമാണ് ഈ ലാഭത്തിന്റെ സ്രോതസ്.ലോകം മുഴുവനുകൂടി Exxon Mobil 24 ലക്ഷം ബാരല്‍ എണ്ണയും ദ്രവ പ്രകൃതി വാതകവുമാണ് പ്രതിദിനം ഉത്പാദിപ്പിക്കുന്നത്. ഒരു ബാരല്‍ എണ്ണക്ക് ശരാശരി $119.28 വിലക്കാണ് അവര്‍ വില്‍ക്കുന്നത്. എണ്ണ വില കൂടിയതിനാല്‍ കഴിഞ്ഞ വര്‍ഷത്തെ അപേക്ഷിച്ച് ബാരലിന് $50 ഡോളര്‍ കൂട്ടിയാണ് ഈ വര്‍ഷം വില്‍ക്കുന്നത്.

എണ്ണയും പ്രകൃതിവാതകവുമാണ് കമ്പനിയുടെ വരുമാനത്തിന്റെ പ്രധാന ഭാഗം. അത് 2007 ലെ രണ്ടാം quarter നെക്കാള്‍ 14% ആണ് ഈ വര്‍ഷം കൂടിയത്. ക്രൂഡോയിലിന്റെ വില കൂടിയത് Exxon Mobil ന്റെ ലോകത്തെ മൊത്ത ഉത്പാദനത്തില്‍ 8% ഇടിവ് ഉണ്ടാക്കുകയും കമ്പനിയുടെ മറ്റ് വ്യവസായങ്ങളായ എണ്ണ ശുദ്ധീകരണം, ഇന്ധന വാണിഭം, രാസവസ്തു നിര്‍മ്മാണം തുടങ്ങിയവല്‍ നിന്നുള്ള വരുമാനം കുത്തനെ ഇടിയാനും കാരണമായി. കാരണം അവയെല്ലാം എണ്ണയേയും പ്രകൃതിവാതകത്തേയും അടിസ്ഥാനമായാണ് പ്രവര്‍ത്തിക്കുന്നത്.

Exxon Mobil ന്റേയും മറ്റ് എണ്ണക്കമ്പനികളുടേയും വമ്പന്‍ ലാഭം നിയമ നിര്‍മ്മാതാക്കളുടേയും ഉപഭോക്തൃ കൂട്ടങ്ങളുടെയും പരിസ്ഥിതി പ്രസ്ഥാനങ്ങളുടേയും വിമര്‍ശനത്തിന് കാരണമായിട്ടുണ്ട്. എണ്ണക്കമ്പനികള്‍ക്ക് നല്‍കുന്ന നികുതി ഇളവുകള്‍ ഇല്ലാതാക്കുകയോ അല്ലെങ്കില്‍ ബദല്‍ ഊര്‍ജ്ജ മാര്‍ഗ്ഗങ്ങള്‍ അവര്‍ കണ്ടെത്തുകയോ ചെയ്യണമെന്ന് ഇവര്‍ ആവശ്യപ്പെടുന്നു. അടുത്ത അഞ്ച് വര്‍ഷത്തേക്ക് എണ്ണ വ്യവസായത്തിന് $3300 കോടി ഡോളര്‍ നികുതി ഇളവുകളാണ് സര്‍ക്കാര്‍ നല്‍കാന്‍ പോകുന്നതെന്ന് Friends of the Earth പറയുന്നു.

- from www.washingtonpost.com

എണ്ണയുടെ ഉപയോഗം കുറക്കൂ, പരിസ്ഥിതി സംരക്ഷിക്കൂ. ജനാധിപത്യത്തിന്  വെല്ലുവിളിയായി മാറുന്ന വന്‍ കമ്പനികളുടെ സാമ്പത്തിക ലാഭം കുറക്കുക.
പൊതുഗതാഗത മാര്‍ഗ്ഗങ്ങളും വൈദ്യുത വാഹനങ്ങളും ഉപയോഗിക്കുക.

2008/10/19

BioSolar എന്ന കമ്പനി സോളാര്‍ സെല്‍ സംരക്ഷിക്കാനായി പരുത്തിയും Castor Beans ഉം അടിസ്ഥാനമാക്കിയുള്ള protective backing കണ്ടുപിടിച്ചു. 2006 ല്‍ കാലിഫോര്‍ണിയയില്‍ തുടങ്ങിയ കമ്പനി ജൈവ “back sheet” ന് വേണ്ടി പ്രവര്‍ത്തിച്ച് വരികയായിരുന്നു.

പെട്രോളിയം അടിസ്ഥാനത്തിലുള്ള DuPont നിര്‍മ്മിക്കുന്ന Tedlar ആണ് സാധാരണ സിലിക്കണ്‍ സോളാര്‍ സെല്ലില്‍ ഇതിനായി ഉപയോഗിക്കുന്നത്. എന്നാല്‍ BioSolar ന്റെ ഈ ജൈവ ഷീറ്റ് Tedlar നെക്കാള്‍ പരിസ്ഥിതി സൗഹൃദമാണ്. കൂടാതെ 25% ചിലവും കുറവ്. Back sheets ന് ചതിരശ്ര അടിക്ക് 70 സെന്റ് മുതല്‍ ഒരു ഡോളര്‍ വരെ വില വരും.

പരുത്തിയുടേയും ഫ്രഞ്ച് കമ്പനിയായ Arkema castor beans ല്‍ നിന്ന് നിര്‍മ്മിക്കുന്ന നൈലോണ്‍ resin നുമാണ് ഈ ഷീറ്റില്‍ ഉള്ളത്. പറയുമ്പോള്‍ എളുപ്പമായി തോന്നാം. എന്നാല്‍ എത്ര resin നും പരുത്തിയും ഉപയോഗിക്കണമെന്ന് കണ്ടെത്തുക പിന്നീട് അത് മിശ്രിതമാക്കുക തുടങ്ങിയവയാണ് വിഷമം പിടിച്ച കാര്യം.

- from greentechmedia

2008/11/07

University of East Anglia ലെ webmail server ല്‍ നിന്ന് ധാരാളം ഈ-മെയില്‍ ഹാക്ക് ചെയ്യപ്പെട്ടു എന്ന വാര്‍ത്ത നിങ്ങളില്‍ ചിലര്‍ക്കറിയാമായിരിക്കും.(Anthony Watts ഉണ്ടാക്കിയ confusion ന് അതിതമായി ഇതിന് Hadley Centre ഉം ആയി ഒരു ബന്ധവുമില്ല. അത് വേറോരു സ്ഥാപനമാണ്). കമ്പ്യൂട്ടറുകളില്‍ നുഴഞ്ഞ് കേറി സ്വകാര്യ(private) വിവരങ്ങള്‍ മോഷ്ടിക്കുന്നത് കുറ്റകൃത്ത്യമാണെന്ന് എല്ലാവര്‍ക്കം അറിയാം. എങ്ങനെ ലഭിച്ചതായാലും സ്വകാര്യ സംഭാഷണങ്ങള്‍ പ്രസിദ്ധപ്പെടുത്തുന്നത് നൈതികമല്ല. അതുകൊണ്ട് ഞങ്ങള്‍ ആ ഈ-മെയിലുകള്‍ ഇവിടെ പ്രസിദ്ധപ്പെടുത്തുന്നില്ല. കഴിഞ്ഞ ചൊവ്വാഴ്ച്ച RealClimate സെര്‍വറിലേക്ക് ആ സ്വകാര്യ സംഭാഷണങ്ങള്‍ കുത്തിക്കയറ്റാന്‍ ഹാക്കറന്‍മാര്‍ ശ്രമിച്ചപ്പോള്‍ തന്നെ ഞങ്ങള്‍ ഈ പ്രശ്നം അറിഞ്ഞു. ഞങ്ങള്‍ അപ്പോള്‍ തന്നെ CRU നെ അറിയിക്കുകയും ചെയ്തു.

എന്നാലും വന്‍തോതില്‍ പ്രചരിപ്പിക്കുന്ന 1996 മുതല്‍ ഇപ്പോള്‍ വരെയുള്ള കാലയളവിലെ ഈ സ്വകാര്യ സന്ദേശങ്ങളെ (ശ്രദ്ധയോടെ തെരഞ്ഞെടുക്കപ്പെട്ട, ചിലപ്പോള്‍ എഡിറ്റ് ചെയ്യപ്പെട്ട) കുറിച്ച് ചിലത് പറയാനുണ്ട്. ചിലതില്‍ ഇവിടുത്തെ ആള്‍ക്കാരും ഉള്‍പ്പെട്ടിട്ടുണ്ട്. (ഈ-മെയില്‍ archive ല്‍ RealClimate സഹപ്രവര്‍ത്തകര്‍ക്കയച്ച ആദ്യത്തെ ഈ-മെയിലും ഉണ്ട്) കൂടാതെ ഉപരിതല താപനിലാ റിക്കോഡും paleo-related വിവരങ്ങളും സംബന്ധിച്ച് ഞങ്ങള്‍ CRU ലെ ആള്‍ക്കാരുമായി നടത്തിയ ചര്‍ച്ചകളും ഉണ്ടിതില്‍.

ഒരു പൊതു പ്രസ്ഥാവന നടത്തുന്നതില്‍ നിന്ന് വ്യത്യസ്ഥമായി ഈ-മെയില്‍ പ്രധാനമായി ലക്ഷ്യം വെക്കുന്നത് അത് എഴുതുന്നവര്‍ തമ്മിലുള്ള സ്വകാര്യ സംഭാഷണമാണ്. സ്വകാര്യ സംഭാഷണം കൂടുതല്‍ സ്വാതന്ത്ര്യം തരുന്നുവെന്ന് നമുക്കറിയാം. സ്വന്തം വികാരങ്ങള്‍ സ്വാതന്ത്ര്യത്തോടെ പ്രകടിപ്പിക്കാം അവിടെ. ഉദാഹരണത്തിന് Steve McIntyre യെ കൂടുതല്‍ ശാസ്ത്രജ്ഞരും ഉയര്‍ന്ന സ്ഥാനം നല്‍കുന്നില്ല. വലിയ വിഭാഗം ശാസ്ത്രജ്ഞരും Soon and Baliunas (2003), Douglass et al (2008) or McClean et al (2009) പ്രബന്ധങ്ങള്‍ പ്രസിദ്ധപ്പെടുത്താന്‍ യോഗ്യതയുള്ളവയാണെന്ന് കരുതുന്നവരല്ല. ഈ കത്തുകുത്തുകളിലെല്ലാം ഈ വികാരം പ്രകടമായി കാണാം.

ഈ കത്തുകളില്‍ കാണാത്ത കാര്യങ്ങളാണ് കൂടുതല്‍ രസകരം. ലോകം മുഴുവന്‍ conspiracy നടന്നു എന്നതിന് തെളിവുകള്‍ ഇതില്‍ പറയുന്നില്ല. George Soros ഹീനമായി കാലവസ്ഥാ പഠനത്തിന് പണം നല്‍കിയെന്ന് പറയുന്നില്ല. ‘Medieval Warm Period ഒഴുവാക്കാനുള്ള’ പദ്ധതികളേക്കുറിച്ചും പറയുന്നില്ല. ആഗോള താപനം തട്ടിപ്പാണെന്ന് പറയിന്നില്ല. തെറ്റായ വിവരങ്ങള്‍ നല്‍കിയതായി പറയുന്നില്ല. സോഷ്യലിസ്റ്റ്/കമ്മ്യൂണിസ്റ്റ്/സസ്യഭുക്ക് കളില്‍ നിന്നുള്ള ആജ്ഞകളുടെ വരവിനെക്കുറിച്ച് പറയുന്നില്ല. [പടിഞ്ഞാറന്‍ രാജ്യങ്ങള്‍ പരിസ്ഥിതി പ്രവര്‍ത്തനങ്ങളെ ഒരു കമ്മ്യൂണിസ്റ്റ് പരിപാടിയായിട്ടാണ് കാണുന്നത്]. The truly paranoid will put this down to the hackers also being in on the plot though.

ശാസ്ത്രജ്ഞര്‍ എങ്ങനെ പരസ്പരം സംവദിക്കുന്നവെന്ന് സ്വകാര്യ സംഭാഷണങ്ങളിലേക്കുള്ള ഈ ഒളിഞ്ഞുനോട്ടം വഴി നമുക്ക് കാണാം. ക്രിയാത്മകമായി പ്രവര്‍ത്തിക്കുന്നവര്‍ കൂട്ടായി ചേര്‍ന്ന് പ്രസിദ്ധപ്പെടുത്തുന്ന പ്രബന്ധങ്ങള്‍ പരിഷ്കരിക്കാന്‍ ശ്രമിക്കുന്നുണ്ട്. പ്രശ്നങ്ങളുടെ വലിയ ചിത്രത്തിത്തെ അംഗീകരിക്കുന്ന ശാസ്ത്രജ്ഞര്‍ ചിലപ്പോള്‍ വിശദമായ ‘robust’ discussions ല്‍ അഭിപ്രായ വ്യത്യാസം പ്രകടിപ്പിച്ചെന്ന് വരാം. politicized arenas തങ്ങളുടെ കണ്ടുപിടുത്തങ്ങളെ തെറ്റായി പ്രതിനിധാനം ചെയ്യുന്നത് കണ്ട് ശാസ്ത്രജ്ഞര്‍ മോഹഭംഗം പ്രകടിപ്പിച്ചേക്കാം. മാധ്യമങ്ങളില്‍ വാര്‍ത്ത തെറ്റായി വരുന്നതിനെതിരെ പരാതി പറഞ്ഞേക്കാം. over-hyped വിഢിത്തങ്ങള്‍ക്കെതിരെ തങ്ങളുടെ ഗവേഷണ പ്രശ്നത്തില്‍ നിന്ന് ശ്രദ്ധ മാറ്റി പ്രതികരിക്കുന്നതില്‍ മുഷിച്ചില്‍ കാട്ടിയേക്കാം. ഈ കാര്യങ്ങളോന്നും ഞെട്ടിപ്പിക്കുന്നതല്ല.

ബ്ലോഗിലെ ബഹളമുണ്ടാക്കുന്ന വിഭാഗങ്ങള്‍ ഇതിന്റെ പേരില്‍ വലിയ കോലാഹലമുണ്ടാക്കുന്ന് തീര്‍ച്ചയാണ്. എന്നാല്‍ ആളുകള്‍ സഭ്യമായ പ്രവര്‍ത്തന, സംഭാഷണ രീതി ഉള്ളവരായതുകൊണ്ടല്ല ശാസ്ത്രം പ്രവര്‍ത്തിക്കുന്നത് എന്നതാണ് പ്രധാന കാര്യം. ന്യൂട്ടണ്‍ നല്ല മനുഷ്യനായതുകൊണ്ടല്ല ഗുരുത്വാകര്‍ണ നിയമം ഉപകാരപ്രദമായ സിദ്ധാന്തമായത്. ഫെയ്ന്‍മാനെ ആളുകള്‍ ബഹുമാനിക്കുന്നതു കൊണ്ടല്ല QED ശക്തമായത്. മത്സര ബുദ്ധിയോടെ വിവിധ ഗ്രൂപ്പുകള്‍ സത്യത്തിന്റെ എറ്റവും അടുത്ത വിശദീകരണത്തിനായി ശ്രമിക്കുന്നതുകൊണ്ടാണ് ശാസ്ത്രം മുന്നോട്ടു പോകുന്നത്. അതേ ശാസ്ത്ര‍ജ്ഞര്‍ [ഹാക്കേര്‍സ് പറയുന്ന] തന്നെ IPCC നിഗമനങ്ങളെ അംഗീകരിക്കുന്നു.

വേറിട്ടൊരു സന്ദര്‍ഭത്തില്‍ നിന്ന് അടര്‍ത്തിയെടുത്ത cherry-picked ഉം poorly-worded ഉം ആയ “gotcha” പ്രയോഗം ഒരു ഉദാഹരണം. താപനില പുനര്‍നിര്‍മ്മിതിയുടെ (temperature reconstruction) കാര്യത്തേക്കുറിച്ചുള്ള ഒരു ചര്‍ച്ചയില്‍ Phil Jones ഇങ്ങനെ പറഞ്ഞു- “I’ve just completed Mike’s Nature trick of adding in the real temps to each series for the last 20 years (ie from 1981 onwards) and from 1961 for Keith’s to hide the decline.” Nature ല്‍ Mann ഉം Bradley ഉം Hughes 1998 ല്‍ പ്രസിദ്ധപ്പെടുത്തിയ multiproxy temperature reconstruction നെക്കുറിച്ചുള്ള പ്രബന്ധത്തേക്കുറിച്ചാണ് ഇവിടെ ചര്‍ച്ച. ‘trick’ എന്നതുകൊണ്ട് താപനം കൂടുതല്‍ വ്യക്തമാക്കാനായി താപനില പുനര്‍നിര്‍മ്മിതിയുടെ ഒപ്പം instrumental റിക്കോഡുകളും ചേര്‍ത്ത് വെച്ചതിനെയാണ് ഉദ്ദേശിച്ചത്. ഒരു രഹസ്യത്തേക്കുറിച്ചല്ല അത്. നല്ല രീതിയില്‍ ഒരു പ്രശ്നം പരിഹരിക്കുന്നതിന് ശാസ്ത്ര‍ജ്ഞര്‍ ചിലപ്പോള്‍ ‘trick’ എന്ന് പറയാറുണ്ട്. [ശാസ്ത്ര‍ജ്ഞര്‍ മാത്രമല്ല, നമ്മുടെ സ്കൂള്‍ കുട്ടികളേ നോക്കൂ. “നീ എന്തു തട്ടിപ്പ്/വേല കാണിച്ചാടാ ആ ഗണിത സമവാക്ക്യം നിര്‍ദ്ധാരണം ചെയ്തത്?” എന്ന് ചോദിക്കുമ്പോള്‍ തട്ടിപ്പ്/വേല നല്ല ഉദ്ദേശത്തോടെ നടത്തിയ പ്രയോഗമാണെന്ന് അതില്‍ പങ്കെടുത്ത ആളുകള്‍ക്ക് അറിയാം. എന്നാല്‍ ആ സന്ദര്‍ഭത്തില്‍ നിന്ന് അടര്‍ത്തിയെടുത്ത് പ്രസിദ്ധപ്പെടുത്തിയാല്‍ എന്താകും ആ വാചകത്തിന്റെ അവസ്ഥ. ഓര്‍ക്കുക ഹാക്കേര്‍സ് കൊണ്ടുവന്ന ഈ-മെയിലുകള്‍ സ്വകാര്യ ചര്‍ച്ചകളായിരുന്നുവെന്ന് ഓര്‍ക്കുക.]

വൃക്ഷങ്ങളുടെ വാര്‍ഷിക വലയങ്ങള്‍ താപനിലാ റിക്കോഡുകളെ അപേക്ഷിച്ച് വ്യത്യസ്ഥമായി കാണപ്പെടുന്നതിനെ ചൊല്ലിയാണ് ‘decline’ പ്രശ്നം. Keith Briffa കൊണ്ടുവന്ന വൃക്ഷങ്ങളുടെ വാര്‍ഷിക വലയ പ്രതിഭാസം 1960 ന് ശേഷം ആണ് ഇങ്ങനെ പ്രവര്‍ത്തിക്കുന്നത്. “divergence problem” എന്ന പേരിലാണ് ശാസ്ത്ര ലോകം ഇതിനെ വിളിക്കുന്നത്. (കൂടുതല്‍ വിവരങ്ങള്‍). Briffa യുടെ Nature in 1998 (Nature, 391, 678-682) ല്‍ വന്ന ലേഖനത്തിന് ശേഷം ഇത് വളരെയേറെ ചര്‍ച്ച ചെയ്യപ്പെട്ടിട്ടുള്ളതാണ്. പുനര്‍നിര്‍മ്മിതിക്ക് വേണ്ടി 1960 ന് ശേഷമുള്ള വാര്‍ഷിക വലയങ്ങള്‍ കണക്കാക്കേണ്ട എന്ന് ആ എഴുത്തുകാര്‍ വ്യക്യമാക്കിയിരുന്നു. എന്നാല്‍ ‘hiding’ എന്ന വാക്ക് തെറ്റായ പദപ്രയോഗമാണ്. ഇത് എന്തുകൊണ്ട് സംഭവിക്കുന്നു എന്ന് കണ്ടെത്തുന്നതു വരെ വാര്‍ഷിക വലയങ്ങളെ താപനില പുനര്‍നിര്‍മ്മിതിയില്‍ ഉപയോഗിക്കേണ്ട എന്ന് സാരം. [സ്റ്റേഷനില്‍ നിര്‍ത്തിയിട്ടിരിക്കുന്ന തീവണ്ടിയാല്‍ നിന്ന് പുറത്തേക്ക് മറ്റോരു തീവണ്ടിയിലേക്ക് നോക്കിയാല്‍ നമ്മുടെ തീവണ്ടി സഞ്ചരിക്കുന്നതായി തോന്നാം. അങ്ങനെയല്ല നാം സഞ്ചരിക്കുന്നില്ല എന്ന് ഉറപ്പാക്കുന്നതെങ്ങനെയാണ്? നാം മറു വശത്തെ പ്ലാറ്റ്ഫോമിലേക്ക് തല തിരിച്ചു നോക്കുന്നു. അതോ നാം ആദ്യത്തെ വിശ്വാസത്തില്‍ ഉറച്ചു നില്‍ക്കുമോ? അതു തന്നെയാണ് വാര്‍ഷിക വലയങ്ങളുടെ കാര്യത്തിലും സംഭവിച്ചിരിക്കുന്നത്.]

യാദര്‍ഛികമായല്ല ഈ കഥകളുണ്ടായ സന്ദര്‍ഭം. കാലാവസ്ഥാ മാറ്റത്തില്‍ മനുഷ്യന്റെ പങ്കിനെക്കുറിച്ചുള്ള ശാസ്ത്രീയ തെളിവുകളുടെ ശക്തായാണ് ഈ cherry-picked, out-of-context, മോഷ്ടിച്ച, സ്വകാര്യ സംഭാഷണത്തിലെ വാക്കുകള്‍ യഥാര്‍ത്ഥത്തില്‍ തെളിയിക്കുന്നത്.

ഇതില്‍ നിന്ന് പാഠങ്ങള്‍ പഠിക്കാനുണ്ട്. കൂട്ടങ്ങളുടെ സ്വകാര്യ ചര്‍ച്ചകള്‍ പൊതു ജനങ്ങളുടെ കണ്ണില്‍ നിന്ന് സുരക്ഷിതമായിരിക്കാം. എന്നാല്‍ ഈ-മെയിലുകള്‍ ആജീവനാന്തം നില നില്‍ക്കുന്നതാണ്. അത് ഒരിക്കല്‍ പുറത്തുവരാം. കൂടുതല്‍ ആളുകളും ഇതിനോട് പ്രതികരിച്ചെന്ന് വരില്ല. ചിലര്‍ പ്രതികരിച്ചെന്നും വരാം.

ആളുകള്‍ അവരുടെ സ്വകാര്യ ചിന്തകള്‍ പ്രസിദ്ധപ്പെടുത്തണോ വേണ്ടയൊ എന്നത് ഒരു ചോദ്യമാണ്.

Update: The official UEA statement is as follows:
“ഞങ്ങളുടെ ഒരു സെര്‍വറിലെ വിവരങ്ങളും ഒരു പൊതു വെബ് സൈറ്റില്‍ പ്രസിദ്ധപ്പെട്ടു എന്ന വിവരം ഞങ്ങള്‍ക്കറിയാം. എന്നാന്‍ അവിടെ പ്രത്യക്ഷപ്പെട്ട വിവരങ്ങളുടെ ബാഹുല്ല്യം കാരണം അതെല്ലാം ഞങ്ങളുടെ വിവരങ്ങളാണെന്ന് ഉറപ്പാക്കാന്‍ കഴിയുന്നില്ല. ഞങ്ങളുടെ അറിവോടും സമ്മതത്തോടും കൂടിയല്ല ഈ വിവരങ്ങള്‍ പ്രസിദ്ധപ്പെടുത്തിയത്. ഇതിലെക്കുറിച്ച് അന്വേഷണത്തിന് പോലീസില്‍ പരാതി നല്‍കിയിട്ടുണ്ട്.”

- from realclimate

കാലാവസ്ഥാ മാറ്റവും ആഗോള താപനവും ഹരിത ഗൃഹ പ്രഭാവമുക്കെ തെറ്റെന്ന് തെളിയിക്കാന്‍ അതിനുള്ള തെളിവുകള്‍ ഹാജരാക്കിയാല്‍ പോരെ. അതിനു പകും ശിഖണ്ഡിയേ പോലെ മറ്റുള്ളവരുടെ out-of-context ആയ സ്വകാര്യ സംഭാഷണം മോഷ്ടിച്ച് പ്രസിദ്ധപ്പെടുത്തണോ? മാമരം കോച്ചുന്ന വൃശ്ചികമാസത്തിലെ പേമാരി കണ്ടുകൊണ്ടാണ് ഇതെഴുതുന്നത്. കാലാവസ്ഥ മാറുന്നേയില്ല. ഉപഭോഗം കൂട്ടി വ്യവസായികളെ സമ്പന്നരാക്കൂ. അതുവഴി കടക്കെണിയില്‍ പെട്ടാല്‍ ആത്മഹത്യ ചെയ്യൂ.

ശാസ്ത്രത്തെ ഹൈജാക്ക് ചെയ്തന്ന്. ആര്? ദരിദ്രരായ പരിസ്ഥിതി പ്രവര്‍ത്തകരോ അതോ ഈ സാമ്പത്തിക മാന്ദ്യ കാലത്ത് കൊള്ള ലാഭം നേടുന്ന Exxon Mobil ഓ Chevron ഓ Shell ഓ

അമേരിക്കയുടെ ഊര്‍ജ്ജ ഉപഭോഗത്തിന്റെ 19% ആഹാരം ഉത്പാദിപ്പിക്കാനും വിതരണം ചെയ്യാനുമാണ് ഉപയോഗിക്കുന്നത്. Cornell University ലെ David Pimentel ഉം അദ്ദേഹത്തിന്റെ സഹപ്രവര്‍ത്തകരും Human Ecology ജേണലില്‍ എഴുതിയ ലേഖനത്തിലാണ് ഇങ്ങനെ പറയുന്നത്. ശരാശരി അമേരിക്കക്കാരന്‍ ഒരു ദിവസം 3,747 കാലറി ഊര്‍ജ്ജം ഉള്‍ക്കൊള്ളുന്ന ആഹാരമാണ് അകത്താക്കുന്നത്. ആരോഗ്യ വിദഗ്ധര്‍ ഉപദേശിക്കുന്നതിനേക്കാള്‍ 1,200 കാലറി കൂടുതല്‍. പ്രധാന ആഹാര വസ്തുക്കളേക്കളായ അരി, ഉരുളക്കിഴങ്ങ്, പച്ചക്കറികള്‍, പഴവര്‍ഗ്ഗങ്ങള്‍ ഇവയെക്കാള്‍ ജങ്ക് ഫുഡ്, മൃഗ ഉത്പന്നങ്ങള്‍ തുടങ്ങിയവക്ക് കൂടുതല്‍ ഊര്‍ജ്ജം ഉണ്ട്.

അമേരിക്കന്‍ Geological Survey യുടെ കണക്ക് പ്രകാരം ഒരു ഹാം ബര്‍ഗര്‍ ഉണ്ടാക്കാന്‍ 4,927 ലിറ്റര്‍ ജലം ആവശ്യമാണ്. (അസംസ്കൃത വസ്തുക്കളുടെ ഉത്പാദനത്തില്‍ തുടങ്ങി നമ്മുടെ പ്ലേറ്റില്‍ അത് എത്തുന്നത് വരെയുള്ള കണക്കാകാം). University of Chicago യിലെ Gidon Eshel ഉം Pamela Martin ഉം നടത്തിയ പഠനത്തില്‍ കണ്ടത് സസ്യാഹാരമാണ് കൂടുതല്‍ energy-efficient ആയിട്ടുള്ളത് എന്നാണ്. അതിന് ശേഷം കോഴി ഉത്പന്നങ്ങളും. ചുവന്ന ഇറച്ചിയും മീനും എറ്റവും കുറവ് ഊര്‍ജ്ജ ദക്ഷതയുള്ളയാണ്.

“ജങ്ക് ഫുഡ്ഡിന്റേയും ഇറച്ചിയുടേയും ഉപയോഗം കുറച്ചാല്‍ ശരാശരി അമേരിക്കക്കാരന് ഇന്ധന ഉപഭോത്തില്‍ വളരെയേറെ കുറവുണ്ടാക്കാനും സ്വന്തം ആരോഗ്യം മെച്ചപ്പെടുത്താനും കഴിയും” എന്ന് Pimentel ഉം കൂട്ടരും നടത്തിയ പത്ര പ്രസ്ഥാവനയില്‍ പറയുന്നു. ഈ ആശയം പുതിയതൊന്നുമല്ല. LiveScience ന്റെ Bad Science കോളമെഴുത്തുകാരനായ Benjamin Radford മുമ്പ് എഴുതിയത് “ശരിക്കും നിങ്ങള്‍ ഭൂമിയെ സംരക്ഷിക്കാനാഗ്രഹിക്കുന്നുവെങ്കില്‍ നിങ്ങളുടെ ഭാരം കുറക്കുക” എന്നാണ്.

വിലകൂടുന്ന ഊര്‍ജ്ജം ചോളത്തിന്റേയും സോയാബീന്റേയും വിലയെ ബാധിക്കും. വളത്തിന്റെ വില ചോളത്തിന്റെ വില 82% ഉം സോയാബീന്റേയും വില 117% വര്‍ദ്ധിക്കുന്നതിന് കാര​ണമാകുമെന്ന് University of Illinois ലെ കാര്‍ഷിക സാമ്പത്തിക വിദഗ്ധനായ Gary Schnitkey പറയുന്നു. “നൈട്രജന്‍ വള നിര്‍മ്മാണ ചിലവിന്റെ 80% ബാധിക്കുന്നത് പ്രകൃതി വാതകത്തിന്റെ വിലയാണ്. പ്രകൃതി വാതകത്തിന്റെ വില കൂടുന്നത് വളത്തിന്റെ വിലയും കൂട്ടും”. ഇന്ധനത്തിന്റെ വിലകൂടുന്നത് വിളവെടുപ്പിന്റെയും ആഹാരത്തിന്റെ കടത്തലിന്റേയും (transport) ചിലവ് വര്‍ദ്ധിപ്പിക്കും. ഈ അധിക ഭാരത്തിന്റെ കുറച്ചുഭാഗം കൃഷിക്കാര്‍ വഹിക്കും. Schnitkey പറയുന്നു, ഉപഭോക്താക്കളും ഉത്പന്നങ്ങള്‍ക്ക് കൂടിയ വില നല്‍കേണ്ടി വരും.

Pimentel നടത്തിയ Cornell പഠനത്തില്‍ പറയുന്നത്, ഊര്‍ജ്ജ ഉപഭോഗം കുറക്കുന്നതില്‍ ഉപഭോക്താക്കള്‍ക്ക് ഒരു വലിയ പങ്കുണ്ടെന്നാണ്. “വ്യക്തികള്‍ ഇഷ്ടപ്പെട്ട ആഹാരം തെരഞ്ഞെടുക്കുന്നതില്‍ ആഹാരത്തിന്റെ ഊര്‍ജ്ജ ഉപഭോഗത്തേയും കൂടി ഉള്‍പ്പെടുത്തി ‘ഹരിത’ ജീവിത രീതി സ്വീകരിക്കണം. പ്രാദേശികമായി ഉത്പാദിപ്പിക്കുന്ന, ഉയര്‍ന്ന പ്രോസസ്സിങ്ങ് വേണ്ടാത്ത, പോഷകമൂല്ല്യമുള്ള ആഹാരം തെരഞ്ഞെടുക്കണം”, ശാസ്ത്രജ്ഞര്‍ പറയുന്നു. “ഇത് പരിസ്ഥിക്കും നല്ലതാണ്, അതോടൊപ്പം നിങ്ങളുടെ ആരോഗ്യത്തിനും”. അവര്‍ പറയുന്നത് കാലറി കുറക്കുന്നത് മനുഷ്യന്റെ ആയുസ്സ് കൂട്ടുമെന്നാണ്. കൂടാതെ അത് നിങ്ങളുടെ ലൈംഗിക ജീവിതത്തിനും നല്ലതാണെന്നാണ്. Scientists found last year that obesity is linked to erectile dysfunction.

- from www.livescience.com

ജനസംഖ്യ കുറച്ചതുകൊണ്ട് മാത്രം പരിസ്ഥിതിക്ക് ഗുണമുണ്ടാകണമെന്നില്ല. ഉദാഹരണത്തിന് ലോക ജനസംഖ്യയുടെ 5% മേ വരൂ അമേരിക്കയിലെ ജനസംഖ്യ. എന്നാല്‍ അവര്‍ ഉപയോഗിക്കുന്നത് മൊത്തം വിഭവങ്ങളുടെ 20% ല്‍ അധികമാണ്. ഒരുത്തന്‍ 5 പേര്‍ക്ക് വേണ്ടത് തിന്നുന്നുണ്ടെങ്കില്‍ ജനസംഖ്യ കുറച്ചിട്ട് എന്തു കാര്യം. അമേരിക്കക്കാരേ കുറച്ചു തിന്നൂ.

2008/10/03

A worker tends to the world's largest solar plant in Germany. Photo Waltraud Grubitzsch EPA Corbis

സഹാറ മരുഭൂമില്‍ സ്ഥാപിക്കുന്ന സോളാര്‍ പാനലുകള്‍ യൂറോപ്പിന് വേണ്ട ശുദ്ധ വൈദ്യുതി നല്‍കുമെന്ന് ശാസ്ത്രജ്ഞര്‍ പറയുന്നു. €4500 കോടി യൂറോ ചിലവു പ്രതീക്ഷിക്കുന്ന യൂറോപ്പ്യന്‍ സൂപ്പര്‍ ഗ്രിഡ്ഡ് പദ്ധതി ഭൂഖണ്ഡത്തിലെ പല രാജ്യങ്ങളുമായി വൈദ്യുതി പങ്കുവെക്കാനുള്ള അവസരം നല്‍കുന്നു. ഉദാഹരണത്തിന് ബ്രിട്ടണില്‍ നിന്നും ഡന്‍മാര്‍ക്കില്‍ നിന്നുമുള്ള പവനോര്‍ജ്ജം ഐസ്‌ലാന്റില്‍ നിന്നും ഇറ്റലിയില്‍ നിന്നുമുള്ള ഭൗമതാപോര്‍ജ്ജം തുടങ്ങിയവ.

സഹാറയിലും വടക്കന്‍ ആഫ്രിക്കയിലും വീഴുന്ന സൂര്യപ്രകാശത്തിന്റെ 0.3% മാത്രം മതി മുഴുവന്‍ യൂറോപ്പിനും വൈദ്യുതി നല്‍കാന്‍. കൂടാതെ അവിടെ സൂര്യപ്രകാശത്തിന്റെ തീവൃത വളരെ അധികമായതിനാല്‍ വടക്കേ യൂറോപ്പില്‍ സ്ഥാപിച്ച സോളാര്‍ പാനലുകളേക്കാള്‍ മൂന്നു മടങ്ങ് കൂടുതല്‍ വൈദ്യുതി അതേ പാനല്‍ വടക്കന്‍ ആഫ്രിക്കയില്‍ സ്ഥാപിച്ചാല്‍ ഉത്പാദിപ്പിക്കാന്‍ കഴിയും. European commission ന്റെ Institute for Energy ലെ Arnulf Jaeger-Walden പറയുന്നു.

ആഫ്രിക്കയില്‍ സ്ഥാപിക്കുന്ന ഓരോ നിലയവും 50-200MW വൈദ്യുതി ഉത്പാദിപ്പിക്കും. ഇവയെല്ലാം ഉത്പാദിപ്പിക്കുന്ന വൈദ്യുതി ആയിരക്കണക്കിന് കിലോമീറ്റര്‍ ദൈര്‍ഘ്യമുള്ള ലൈനിലൂടെ യൂറോപ്പിലെത്തിക്കും. സാധാരണയായി ഉപയോഗിക്കുന്ന alternating current(AC) പകരം ഉയര്‍ന്ന വോള്‍ടേജുള്ള direct current(DC) ആണ് ഇതിന് വേണ്ടി ഉപയോഗിക്കുന്നത്. AC ലൈനിനെ അപേക്ഷിച്ച് DC ലൈനില്‍ പ്രസരണ നഷ്ടം വളരെ കുറവാണ്. വലിയ ദൂരങ്ങളില്‍ AC ലൈന്‍ സാമ്പത്തിമായി നഷ്ടവുമാണ്.

പുനരുത്പാദിതോര്‍ജ്ജത്തെ സമതുലിതമാക്കാന്‍ ഈ ഗ്രിഡ്ഡ് സഹായിക്കും. “ഒരു ജലവൈദ്യുത പദ്ധതിയെ ഈ ഗ്രിഡ്ഡിലേക്ക് ഘടിപ്പിച്ചാല്‍ അത് ഒരു ബാക്കപ്പ് ബാറ്ററിയായി പ്രവര്‍ത്തിക്കും. കൂടാതെ കാറ്റാടി പാടങ്ങളുണ്ട്. ഒരു സ്രോതസ്സാവില്ല ഇതിന് ഊര്‍ജ്ജം പകരുക. പല പുനരുത്പാദിതോര്‍ജ്ജ സ്രോതസ്സുകളുടെ ഒരു കൂട്ടമായിരിക്കും”. Jaeger-Walden പറയുന്നു

ഗ്രിഡ്ഡിന്റെ വലിപ്പമനുസരിച്ച് യൂറോപ്പ് മുഴുവന്‍ ഉയര്‍ന്ന വോള്‍ട്ടേജുള്ള ലൈന്‍ നിര്‍മ്മിക്കാന്‍ 2050 വരെ പ്രതി വര്‍ഷം €100 കോടി യൂറോ ആവശ്യമുണ്ട്. International Energy Agency യുടെ കണക്കുകള്‍ പ്രകാരം അടുത്ത 30 വര്‍ഷത്തെ ഊര്‍ജ്ജ ആവശ്യങ്ങള്‍ക്കായി $45 ലക്ഷം കോടി ($45tr) ഡോളര്‍ വേണം. ആ കണക്കുമായി താരതമ്യം ചെയ്യുമ്പോള്‍ യൂറോപ്പ്യന്‍ സൂപ്പര്‍ ഗ്രിഡ്ഡിന്റെ ചിലവ് വളരെ ചെറുതാണെന്നാണ് Jaeger-Walden ന്റെ അഭിപ്രായം.

വലിയ സൗരോര്‍ജ്ജ പാടങ്ങള്‍ക്ക് വേണ്ടി സോളാര്‍ പാനലുകള്‍ വന്‍തോതില്‍ നിര്‍മ്മിക്കുന്നത് അതിന്റെ ചിലവ് കുറക്കും. “ഇപ്പോഴത്തെ ഏറ്റവും വലിയ PV സൗരോര്‍ജ്ജ നിലയം Leipzig ല്‍ ആണ്. അവിടെ വൈദ്യുതി വാട്ടിന് €3.25 യൂറോയാണ്. അതേ പ്രൊജക്റ്റ് മെഡിറ്ററേനിയന്‍ പ്രദേശത്ത് ഉദാഹരണത്തിന് തെക്കെ ഇറ്റലിയില്‍ സ്ഥാപിച്ചാല്‍ വൈദ്യുതി യൂണിറ്റിന് 15 സെന്റിന് നല്‍കാന്‍ കഴിയും. അത് സാധാരണ ഉപഭോക്താവ് ഇപ്പോള്‍ ചിലവാക്കുന്ന തുകക്ക് താഴെയാണ്”.

High Voltage Direct Current (HVDC) പ്രേക്ഷണ ലൈന്‍ ആദ്യം വികസിപ്പിച്ചെടുത്തത് 1930 ല്‍ ആണ്. വളരെ അധികം വൈദ്യുതി കൂടുതല്‍ ദൂരത്തേക്ക് കൊണ്ടുപോകാനുള്ള എറ്റവും ദക്ഷതയേറിയ വഴി ഇതാണ്. AC ലൈനില്‍ നഷ്ടം വളരെ അധികമാണ്. ഒരേ വണ്ണം ഉള്ള ലൈനില്‍ AC യെ അപേക്ഷിച്ച് DC ക്ക് കൂടുതല്‍ വൈദ്യുതി കടത്തിവിടാനാകും. എന്നാല്‍ ദീര്‍ഘദൂരത്തേക്കെ DC പ്രയോജനപ്പെടുതയുള്ളു. കാരണം DC യെ ചിലവുകൂടിയ static inverters പോലുള്ള ഉപകരണങ്ങള്‍ ഉപയോഗിച്ച് വീണ്ടും AC ആക്കിമാറ്റിയേ ഉപയോഗിക്കാന്‍ കഴിയൂ. പുതിയ HVDC കേബിളുകള്‍ക്ക് പ്രസരണ നഷ്ടം 1,000km ന് 3% എന്ന തോതില്‍ കുറക്കാന്‍ കഴിയും.

ACയില്‍ വ്യത്യസ്ഥ frequencies ഉപയോഗിക്കുന്ന വിവധ രാജ്യങ്ങള്‍ക്ക് ഉപകാരപ്രദമാണ് DC അടിസ്ഥാനത്തിലുള്ള വിതരണം എന്നതാണ് ഇതിന്റെ വേറൊരു ഗുണം. കൂടാതെ AC കറന്റ് ഉത്പാദിപ്പിക്കുന്ന കാറ്റാടികള്‍ പോലുള്ള സ്രോതസ്സുകളില്‍ നിന്നുള്ള വൈദ്യുതി synchronise ചെയ്യാനും HVDC കേബിള്‍ സഹായിക്കും.

- from www.guardian.co.uk

രാജ്യങ്ങള്‍ ഒരു പൊതു സ്രോതസ്സ് ഉപയോഗിക്കുന്നതിനാല്‍ അവര്‍ തമ്മിലുള്ള സൗഹൃദം വളര്‍ത്താന്‍ ഉപകരിക്കും ഇത്. സൈനിക ചിലവ് കുറച്ച് പരസ്പര സഹകരണത്തിലൂടെ വിശ്വ മാനവീകത ഉണരട്ടേ.

2008/10/01

Purdue സര്‍‌വ്വകലാശാല LED നിര്‍മ്മിക്കാനുള്ള പുതിയ രീതി വികസിപ്പിച്ചെടുത്തു. metal-coated silicon wafers ല്‍ LED solid-state വിളക്ക് ചിലവ് കുറച്ച് നിര്‍മ്മിക്കാന്‍ Purdue ലെ ഗവേഷകര്‍ക്ക് കഴിഞ്ഞു.

സാധാരണ gallium nitride ക്രിസ്റ്റലില്‍ ആണ് പ്രകാശം പരത്തുന്ന LED പാളി. പച്ചയൊ നീലയൊ വെളിച്ചം ലഭിക്കാന്‍ ഇന്ദ്രനീല കല്ല് (sapphire) അടിസ്ഥാനമായ LED ഉപയാഗിക്കുന്നു. ഇവ കണ്ണാടി പോലെ reflectors ഉപയോഗിച്ചാണ് ദക്ഷത കൂട്ടി ഈ വെളിച്ചം ഉണ്ടാക്കുന്നത്. എന്നാല്‍ ഈ പാളി നിര്‍മ്മിക്കാന്‍ വളരെയേറെ ചിലവുണ്ട്. സാധാരണ ബള്‍ബിനേക്കാള്‍ 20 ഇരട്ടി വരെ വില LED വിളക്കുകള്‍ക്ക് ഇപ്പോള്‍ ഉണ്ട്. ഇന്ദ്രനീലം അടിസ്ഥാനമായ LED നിറം നല്‍കുന്നു എന്നാല്‍ അതീവ വിലപിടുപ്പുള്ളതാണ്.

zirconium nitride ഉപയോഗിച്ചാണ് പുതിയ LEDs കണ്ണാടി പ്രഭാവം ഉണ്ടാക്കുന്നത്. സാധാരണ zirconium nitride സലിക്കണുമായി രാസപ്രവര്‍ത്തനം നടത്തുന്നതിനാല്‍ silicon process വിഷമകരമാണ്. എന്നാല്‍ zirconium nitride ന് ഒരു സംരക്ഷണ ആവരണം നല്‍കി രാസപ്രവര്‍ത്തനം ഒഴുവാക്കി പൂര്‍ണ്ണ LED നിര്‍മ്മിക്കാനുള്ള gallium nitride പാളി ഉള്‍പ്പടെ മറ്റ് പാളികള്‍ നിര്‍മ്മിക്കാന്‍ ശാസ്ത്രജ്ഞര്‍ക്ക് കഴിഞ്ഞു. “LED കത്തുമ്പോള്‍ കുറച്ച് വെളിച്ചം താഴോട്ടും കുറച്ചുവെളിച്ചം മുകളിലോട്ടും പോകുന്നു. താഴോട്ടു പോകുന്ന വെളിച്ചം പ്രതിഫലിപ്പിച്ച് മുകളിലെത്തിച്ചാല്‍ ആ നഷ്ടം ഒഴുവാക്കാനാകും. രാസപ്രവര്‍ത്തനം കൂടാതെ zirconium nitride നെ സിലിക്കണ്‍ substrate ല്‍ ഉറപ്പിക്കാന്‍ കഴിഞ്ഞു എന്നതാണ് ഈ പ്രവര്‍ത്തനത്തിന്റെ വിജയം”, പ്രൊ.Timothy D. Sands പറയുന്നു.

ഈ മുന്നേറ്റം കൊണ്ട് LEDs സാധാരണ സിലിക്കണ്‍ wafers ല്‍ നിര്‍മ്മിക്കാനാകും. പുതിയ wafers ഇപ്പോഴുള്ള ചിലവു കുറഞ്ഞ രീതികള്‍ കൊണ്ടുതന്നെ നിര്‍മ്മിക്കാം. ഈ രീതി LEDs കളുടെ defects കുറക്കും. ഇന്ദ്രനീല കല്ലിനെ അപേക്ഷിച്ച് സിലിക്കണ്‍ നല്ല താപ ചാലകമാണ്. പ്രവര്‍ത്തിക്കുമ്പോഴുണ്ടാകുന്ന damage കുറക്കാനിത് സഹായിക്കും. ദീര്‍ഘകാലം LEDs ഈടുനിക്കും.

സാധാരണ ബള്‍ബുകളെ വിളക്കെന്നു പറയുന്നതിലും നല്ലത് heaters എന്നു പറയുന്നതാണ്. കാരണം അവ ഊര്‍ജ്ജത്തിന്റെ 90% വും ചൂടായി നഷ്ടപ്പെടുത്തുന്നു. ഇപ്പോള്‍ മാര്‍ക്കറ്റിലുള്ള LEDs ന് 47% മുതല്‍ 64% വരെ ദക്ഷതയുണ്ട്. Purdue LEDs ഇതില്‍ ഏറ്റവും കൂടിയ ദക്ഷതയുള്ള ഇനത്തില്‍ പെടും.അമേരിക്കയില്‍ ഉത്പാദിപ്പിക്കുന്ന ഊര്‍ജ്ജത്തിന്റെ മൂന്നിലൊന്ന് വെളിച്ചത്തിന് വേണ്ടിയാണ് ഉപയോഗിക്കുന്നത്. വന്‍തോതില്‍ LEDs ഉപയോഗിച്ചാല്‍ ഇത് 10% കുറക്കാന്‍ കഴിയും. മറ്റു രാജ്യങ്ങളുടെ സ്ഥിതിയും ഇങ്ങനെ തന്നെയാണ്. അത് 10% കാര്‍ബണ്‍ ഉദ്‌വമനം കുറക്കുന്നതിന് തുല്ല്യമാണ്.

രണ്ട് വര്‍ഷങ്ങള്‍ക്കുള്ളില്‍ ഇത് വ്യാവസായികമായി നിര്‍മ്മിച്ചുതുടങ്ങും.

- from www.dailytech.com

2008/10/01

http://dpk-drishtidosham.blogspot.com/2009/11/blog-post_15.html

നന്ദി പ്രദീപ് പരിസ്ഥിതി സംരക്ഷണത്തെക്കുറിച്ചെഴുതിയതിന്.

അമേരിക്കയേക്കുറിച്ചുള്ള പരാമര്‍ശങ്ങളില്‍ ചില അവ്യക്തതകളുണ്ട്. ആരും മനപ്പൂര്‍‌വ്വമല്ല അമേരിക്കയേ വിമര്‍ശിക്കുന്നത്. (രാഷ്ട്രീയക്കാര്‍ക്ക് വേറെ ഉദ്ദേശം കാണും.)

ലോകത്തെ മൊത്തം ജനസംഖ്യയുടെ 5% മാത്രം ആളുകളാണ് അമേരിക്കയിലുള്ളത്. എന്നാല്‍ ഇവര്‍ ഉപയോഗിക്കിന്നത് ലോകത്തെ മൊത്തം വിഭവങ്ങുടെ 20%ല്‍ അധികമാണ്. രണ്ട് കുഴപ്പങ്ങളാണ് ഇതുമൂലം. ഒന്ന് ഇത് വലിയ പരിസ്ഥിതി നാശം ഉണ്ടാക്കുന്നു. രണ്ട് മറ്റുള്ളവരേയും അത്തരത്തിലുള്ള ജീവിത രീതി പിന്‍തുടരാന്‍ പ്രേരിപ്പിക്കുന്നു. അങ്ങനെ ചെയ്യാന്‍ കഴിയാത്തവരെ മോശക്കാരായി കാണുന്നു. 5 ഭൂമികളുണ്ടെങ്കിലെ എല്ലാവര്‍ക്കും അങ്ങനെ ജീവിക്കാനാകൂ. അതുണ്ടാക്കുന്ന മാലിന്യങ്ങളോ? സബ്സിഡികളും മറ്റ് ആനുകൂല്ല്യങ്ങളും നല്‍കി പരിസ്ഥിതി സംരക്ഷിക്കാന്‍ ശ്രമിക്കുന്നതിനേക്കാള്‍ നല്ലത് അതിന് കാരണമായ സംഗതികള്‍ ഇല്ലാതാക്കുകയല്ലേ ചെയ്യേണ്ടത്?

ഇപ്പോഴും പുനരുത്പാദിതോര്‍ജ്ജത്തിന് വളരെ കുറവ് പണമേ മാറ്റി വെക്കുന്നുള്ളു. clean coal എന്നോ ആണവോര്‍ജ്ജ ഗവേഷണമെന്നോ പറഞ്ഞ് വലിയ തുകകള്‍ അടിച്ചുമാറ്റുന്നത് ഫോസില്‍ ഇന്ധന രാജാക്കന്‍മാരാണ്. എന്തിന് പുനരുത്പാദിതോര്‍ജ്ജ ഗവേഷണം നടത്തുന്ന ശാസ്ത്രജ്ഞര്‍ക്ക് നോബല്‍ സമ്മാനം പോലും ലഭിക്കില്ല എന്നാണ് Right Livelihood Award ന്റെ സ്ഥാപകനായ Jakob von Uexkull പറയുന്നത്.

ക്യോട്ടോ കരാര്‍ തകര്‍ത്തത് ചരിത്രം.  ആഗോള താപന celebrity ആയ അല്‍ ഗോറിന്റെ കളി ഇവിടെ കാണാം.

നികുതിദായകരുടെ 50% പണം അമേരിക്ക അവരുടെ യുദ്ധ യന്ത്രത്തിന് വേണ്ടിയാണ് ചിലവാക്കുന്നത്. അമേരിക്ക ഇറാഖിലും അഫ്ഗാനിസ്ഥാനിലും നടത്തുന്ന യുദ്ധത്തിന്റെ പാരിസ്ഥിതിക പ്രത്യാഘാതം അന്താണ്? കൂടുതല്‍ ബിന്‍ ലാദന്‍മാരെ സൃഷ്ടിക്കയല്ലാതെ ആ യുദ്ധം കൊണ്ട് എന്തെങ്കിലും സ്ഥായിയായ ഫലം ഉണ്ടൊ?

എണ്ണ/വണ്ടി മുതലാളികളെ തൃപ്തിപ്പെടുത്താന്‍ ഇന്ധനക്ഷമതാ നിലവാരം ഉയര്‍ത്തുന്നത് കഴിയുന്നത്ര താമസിപ്പിച്ചത് ഈ പോസ്റ്റില്‍ പറയുന്നുണ്ട്. 90 കളില്‍ EV1 എന്ന വൈദ്യുത കാര്‍ ഉപഭോക്താക്കളില്‍ നിന്ന് തിരികെ വാങ്ങി നശിപ്പിച്ച് കളഞ്ഞതും അവരായിരുന്നു. അതിനെക്കുറിച്ച് “Who killed electric cars” എന്നൊരു സിനിമയുമുണ്ട്.

എന്നാലും ധാരാളം മാറ്റങ്ങള്‍ കാണുന്നുണ്ട് അമേരിക്കയില്‍. എന്നാലും ഇപ്പോഴത്തെ കമ്പോള അടിസ്ഥാന ജീവിത രീതിക്ക് പകരം നിലനില്‍ക്കുന്ന സുസ്ഥിര ജീവിത വ്യസ്ഥയുണ്ടാക്കാന്‍ അമേരിക്ക ബഹുദൂരം സഞ്ചരിക്കണം.

വിന്‍സ്റ്റണ്‍ ചര്‍ച്ചില്‍ പണ്ട് പറഞ്ഞത് ഇപ്പോഴും സത്യമാണ്. “അമേരിക്കക്കാര്‍ എപ്പോഴും ശരിയായ കാര്യങ്ങളേ ചെയ്യൂ. എപ്പോള്‍? മറ്റെല്ലാ വഴികളും അടഞ്ഞതിന് ശേഷം!”

“ഭീകരാക്രമണം ഉണ്ടാവുമെന്ന സൂചനയെത്തുടര്‍ന്ന് രാജ്യത്തെ മുഴുവന്‍ ആണവനിലയങ്ങളോടും മുംബൈ ഭാഭാ ആറ്റമിക് റിസര്‍ച്ച് സെന്റര്‍ (ബാര്‍ക്) ഉള്‍പ്പെടെയുള്ള ആണവ ഗവേഷണ കേന്ദ്രങ്ങളോടും അതിജാഗ്രത പുലര്‍ത്താന്‍ കേന്ദ്രസര്‍ക്കാര്‍ നിര്‍ദേശം നല്‍കി.” -  mathrubhumi

മാഷേ വല്ല കാര്യമുണ്ടോ ഈ വയ്യാവേലി തലയിലേറ്റിയിട്ട്? വെള്ളം ചുടാക്കാന്‍ വേറൊരു വഴിയുമില്ലേ ഈ മരത്തലയന്‍മാര്‍ക്ക്. ഇനി കാവലിന് വേറെ ആളേ നിര്‍ത്തിക്കോ? പക്ഷെ ആ ചിലവ് ആരുവഹിക്കും. പൊതുജനം കഴുത. താങ്കള്‍ നികുതി കൃത്ത്യമായി അടക്കുന്നുണ്ടല്ലോ?

ആണവനിലയം – വെള്ളം ചൂടാക്കാനുള്ള* അപഹാസ്യവും, ഭയാവഹവും, ചിലവേറിയതും, പാഴായതുമായ വഴി.

ആണവ നിലയങ്ങള്‍ വേണ്ടേ വേണ്ട.

* ആണവനിലയം എന്നു പറയുമ്പോള്‍ ഒരു തെറ്റിധാരണ ഉണ്ടാകും. യുറേനിയം ഒരു പാത്രത്തില്‍ വെച്ചിട്ട് രണ്ട് ഇലക്ട്രോഡുകള്‍ അതിലേക്ക് കുത്തിവെച്ചാല്‍ താനേ വൈദ്യുതി ഇങ്ങ് ഒഴുകിയെത്തും എന്നാണ് മുഖ്യധാരാ മാധ്യമങ്ങള്‍ പ്രചരിപ്പിക്കുന്നത്. എന്നാല്‍ യഥാര്‍ത്ഥത്തില്‍ അത് അങ്ങനെയല്ല. ആണവ പ്രവര്‍ത്തനം നടക്കുമ്പോള്‍ അതി തീവൃമായി വികിരണങ്ങള്‍ പുറത്തുവിടും. ഗാമാ, ഇന്‍ഫ്രാറെഡ്, x-ray, അള്‍ട്രാ വയലറ്റ് തുടങ്ങിയ കിരണങ്ങള്‍ വഴി ഊര്‍ജ്ജം റേഡിയേഷന്‍ വഴി പുറത്തേക്കൊഴുകും. ഇതില്‍ ഇന്‍ഫ്രാറെഡ് ഒഴികെ എല്ലാം ഉപയോഗശൂന്യവും അപകടകരവുമാണ്. അത് പുറത്തുവരുന്നത് തടയാന്‍ വലിയ കോണ്‍ക്രീറ്റ് ഭിത്തികള്‍ നിര്‍മ്മിച്ച് കോറിനെ സംരക്ഷിക്കുന്നു.

ഇന്‍ഫ്രാറെഡ് എന്നാല്‍ ചൂട് ആണ്. അതുപയോഗിച്ച് വെള്ളം ചൂടാക്കി നീരാവി ആക്കുന്നു. ഈ നീരാവി ഉപയോഗിച്ച് ടര്‍ബൈന്‍ പ്രവര്‍ത്തിപ്പിച്ച് വൈദ്യുതി ഉത്പാദിപ്പിക്കുന്നു. കല്‍ക്കരി നിലയങ്ങളേപ്പോലെ. പക്ഷേ വളരേറെ പണം ചിലവാക്കിയും ജീവജാലങ്ങളുടെ സുരക്ഷിതത്വം പണയപ്പെടുത്തിയും!

നിങ്ങള്‍ കേട്ടുകാണും രാജ് താക്കറേയും MNS ഉം ഹിന്ദിയില്‍ സത്യ പ്രതിജ്ഞ ചൊല്ലുയ MLA യെ കൈകാര്യം ചെയ്ത രീതി. ഇത് മഹാരാഷ്ട്രയില്‍ പുതിയ സംഭവമല്ല. കഴിഞ്ഞ 50 വര്‍ഷങ്ങളായി ഇത് നടന്നുകൊണ്ടിരിക്കുന്നു. ആദ്യം അത് കമ്മ്യൂണിസ്റ്റ് ട്രേഡ് യൂണിയനുകള്‍ക്കെതിരെ. പിന്നീട് തെക്കേ ഇന്‍ഡ്യാക്കാര്‍ക്കെതിരായിരുന്നു. അതിന് ശേഷം മുസ്ലീങ്ങള്‍ക്കെതിരെ, ഇപ്പോളത് വടക്കേ ഇന്‍ഡ്യാക്കാര്‍ക്കെരെ. താക്കറെ കുടുംബത്തിലുള്ളവരെ അധികാരത്തിലെത്തിക്കാന്‍ എപ്പോഴും ആരെങ്കിലും കഷ്ടത അനുഭവിക്കണം.

അവര്‍ പറയുന്നത് ശരിയാണ്. എന്തിനാണ് എല്ലാവരും മുംബേക്ക് പോകുന്നത്? നാട്ടില്‍ നിന്നാപ്പോരേ?

മുംബേ മഹാരാഷ്ട്രയുടെ അവിഭാജ്യ ഭാഗമാണ്. അതോടൊപ്പം മഹാരാഷ്ട്രക്കാര്‍ സ്വകാര്യത ഇഷ്ടപ്പെടുകയും ചെയ്യുന്നു. എന്തുകൊണ്ട് നിങ്ങള്‍ അവര്‍ക്ക് സ്വകാര്യത നല്‍കുന്നില്ല? മഹാരാഷ്ട്ര ഇന്‍ഡ്യയുടെ ഭാഗമാണ്. ഒരു ഇന്‍ഡ്യന്‍ പൗരനെന്ന നിലക്ക് സഹ പൗരനെന്ന മഹാരാഷ്ട്രക്കാരുടെ സ്വപ്നങ്ങള്‍ സാക്ഷാത്കരിക്കുവാന്‍ നിങ്ങള്‍ക്ക് കടപ്പാടുണ്ട്.

എങ്ങനെ അത് നേടാം?

മറ്റ് സംസ്ഥാനത്തില്‍ നിന്നുള്ള ആളുകള്‍ മുംബേയില്‍ പോകുന്നത് സുഖവാസത്തിനല്ലന്ന് നിങ്ങള്‍ക്കറിയാം. അവര്‍ അവിടെ പോകുന്നത് പണിക്കാണ്. എന്തുകൊണ്ട്? കാരണം അവിടെ ധാരാളം വ്യവസായികള്‍ ഉണ്ട്. ആളുകള്‍ക്ക് പണിയും വേണം. കൂടാതെ അവരില്‍ വലിയ വിഭാഗം സ്വന്തം നാട്ടില്‍ സാമൂഹ്യ അസമത്വം അനുഭവിക്കുന്നവരാണ്. അങ്ങനെ അവര്‍ പ്രവാസികളാകുന്നു. (പ്രവാസികളായാല്‍ നിങ്ങളെ ആരും ആ നാട്ടില്‍ തിരിച്ചറിയില്ലല്ലോ)

നിങ്ങള്‍ ഉപയോഗിക്കുന്ന ഉത്പന്നങ്ങള്‍ നോക്കിയാല്‍ അവയില്‍ കൂടുതലും മുംബയില്‍ നിര്‍മ്മിച്ചതാണെന്ന് കാണാന്‍ സാധിക്കും. മഹാരാഷ്ട്രയിലെ പ്രവാസികള്‍ രാജ്യത്തിന് മൊത്തം വേണ്ട ഉത്പന്നങ്ങളും സേവനങ്ങളും നിര്‍മ്മിക്കുന്നു. അവരാണ് മുംബേയും നിര്‍മ്മിച്ചത്.

മഹാരാഷ്ട്രക്കാര്‍ക്ക് ഇത് അത്ര ഇഷ്ടമായില്ല. കാരണം അത് അവരുടെ സ്വകാര്യത നശിപ്പിക്കുന്നു. അതുകൊണ്ട് നാം നമ്മുടെ ആളുകളെ മഹാരാഷ്ട്രയിലേക്കയക്കുന്നത് കുറക്കണം. അപ്പോള്‍ നമുക്ക് വേണ്ട ഉത്പന്നങ്ങള്‍ ആര് നിര്‍മ്മിക്കും? അവ നമ്മുടെ സ്വന്തം സംസ്ഥാനങ്ങളില്‍ നിര്‍മ്മിച്ചുകൂടെ? അല്ലങ്കില്‍ നമ്മുടെ സ്വന്തം ജില്ലയില്‍? അല്ലങ്കില്‍ നമ്മുടെ സ്വന്തം ഗ്രാമത്തില്‍? പണ്ട് എംകെ ഗാന്ധിക്ക് ഒരു സ്വപ്നമുണ്ടായിരുന്നു. ഗ്രമ സ്വരാജ്. സമത്വ സുന്ദരവും സുസ്ഥിരവുമായ ഗ്രാമം. അത് നമുക്ക് നിര്‍മ്മിച്ചുകൂടെ? കുറഞ്ഞ പക്ഷം സുസ്ഥിരമായ സംസ്ഥാനമെങ്കിലും? അതോടൊപ്പം വേണം എല്ലാവര്‍ക്കും സാമൂഹ്യ നീതിയും തുല്ല്യതയും.

അത് നമുക്ക് നേടാന്‍ കഴിഞ്ഞാല്‍ നമുക്ക് ആളുകളെ മുംബേയിലേക്ക് പറഞ്ഞയക്കേണ്ടി വരില്ല. അവര്‍ക്ക് നമ്മുടെ നാട്ടില്‍ തന്നെ പണി ലഭിക്കും. മഹാരാഷ്ട്രക്കാര്‍ക്ക് അവരുടെ സ്വകാര്യതയും ലഭിക്കും.

• അതിന് ആദ്യം നാം മുംബേയില്‍ നിന്നും മഹാരാഷ്ട്രയില്‍ നിന്നും ഉത്പാദിപ്പിക്കുന്ന ഉത്പന്നങ്ങളും സേവനങ്ങളും വാങ്ങാതിരിക്കണം.
• ബോളീവുഡ് സിനിമകള്‍ക്ക് വേണ്ടി പണം മുടക്കരുത്. സിനിമ കാണേണ്ടത് അത്യാവശ്യമെങ്കില്‍ സീഡീ കോപ്പി ചെയ്ത് കാണുക. അല്ലെങ്കില്‍ ടീവീയില്‍ വരുമ്പോള്‍ കാണുക. (പരസ്യത്തില്‍ കാണുന്നതൊന്നും വാങ്ങരുത്.) എന്തൊക്കെയായാലും ഇത് വിനോദമല്ലേ. വിനോദം സൗജന്യവും സ്വതന്ത്രവുമാക്കുക.
• പ്രാദേശികമായി ഉത്പാദിപ്പിക്കുന്ന ഉത്പന്നങ്ങള്‍ വാങ്ങുക. അത് കടത്തിന് വേണ്ടിവരുന്ന ഹരിത ഗൃഹ വാതകങ്ങളുടെ ഉദ്‌വമനം കുറക്കും.
• ഒരു പ്രത്യേക ഉത്പന്നം നിങ്ങളുടെ സംസ്ഥാനത്ത് ഉത്പാദിപ്പിക്കുന്നില്ലെങ്കില്‍ അത് തൊട്ടടുത്ത മറ്റേതെങ്കിലും സംസ്ഥാനത്തു നിന്ന് വാങ്ങുക.
• മുംബേയില്‍ ആസ്ഥാനമായ ബാങ്കുകളില്‍ പണം നിക്ഷേപിക്കരുത്. പ്രാദേശികമായ ബാങ്കുകളിലോ, സംസ്ഥാന ട്രഷറികളിലോ, SBI യുടെ അനുബന്ധ ബാങ്കുകളിലോ പണം നിക്ഷേപിക്കുക. (SBI യുടെ അനുബന്ധ ബാങ്കുകളുടെ SBI ലേക്കുള്ള ലയനത്തെ തടയുക.)
• BSE/NSE ല്‍ പണം നിക്ഷേപിക്കരുത്.

ഈ പ്രവര്‍ത്തനങ്ങള്‍ നമ്മുടെ പ്രാദേശിക സമ്പദ്ഘടനയെ ശക്തിപ്പെടുത്തും. വന്‍ നഗരങ്ങള്‍ വേണ്ടേ വേണ്ട.

മഹാത്മജിയുടെ സ്വപ്നം സാക്ഷാത്കരിക്കു, മഹാരാഷ്ട്രക്കാര്‍ക്ക് സ്വകാര്യത നല്‍കൂ.

പരുത്തി കൃഷി

അവര്‍ പക്ഷം ചേര്‍ന്നാകും പറയുന്നത്. വോട്ടാകാം ലക്ഷ്യം. (അതില്‍ തെറ്റില്ല. നിങ്ങള്‍ക്കുമാവരുതോ അത്?)എന്നാലും കര്‍ഷകരുടെ ആത്മഹത്യ ഒരു യാഥാര്‍ത്ഥ്യമാണ് ഇപ്പോള്‍. എന്നാല്‍ കുറേക്കാലം കൂടി കഴിയുമ്പോള്‍ നമ്മള്‍ പൂര്‍ണ്ണമായി സ്വപ്നലോകത്തിന് അടിമപ്പെടും. കര്‍ഷകരും അവരുടെ ജീവിതവുമെല്ലാം വെള്ളിത്തിരയിലെ നായകന്റെ അഭിനയ കസര്‍ത്തു മാത്രമാകും.

അസന്തുഷ്ടരും ജീവിതമാര്‍ഗ്ഗമില്ലാത്തവരും അക്രമത്തിന്റെ മാര്‍ഗ്ഗം കൂടുതല്‍ തെരഞ്ഞെടുക്കും. ശബ്ദമുള്ളവരും ചാനലുകളും അവയെ അമര്‍ച്ച ചെയ്യാന്‍ കൂടുതല്‍ ശക്തമായ പോലീസ് മുറ ആവശ്യപ്പെടും.